Hetal Mahendrakumar Sangani: n the journey begins.......

હાય ચકુ, આવતી કાલે હું આ શહેર ને અલવિદા કહી દઈશ. તને ખબર છે મને આ શહેર બહુ ગમતું હતું, ક્યારેય વિચારેલું નહિ કે હું આ શહેર છોડીને કોઈ બીજા શહેર માં જઈશ. પણ જો સમય એનું કામ કઈ રીતે કરે છે? જે વિચારેલું નહિ તે આજે કરું છું. હા, તું કહી શકે કે તારી યાદો થી દુર જવા માટે મેં આ નિર્ણય લીધો છે, પણ સાથે હું એ પણ જાણું છું કે આનાથી મને કોઈ ફાયદો નથી થવાનો, કારણ કે હું જ્યાં રહીશ, તારી યાદો ત્યાં આવવાની જ છે. તું એમ વિચારતી હશે કે હું તને ભૂલી કેમ નથી જતો? તારી સાથે વિતાવેલા સમય ને એક સપનું સમજી ને આગળ શું કામ નથી વધતો, હે ને? તો મારી વ્હાલી હેતુ, આ વસ્તુ હું તને નથી સમજાવી શકતો.....આજ કારણ છે કે હું તને કશું નથી કહેતો....કારણ કે આ યાદો જ તારી અમાનત છે મારી પાસે....જે તે મને મારા હૃદય ના બદલા માં આપેલી છે. ચાલ ઠીક છે, હું વધારે નથી ખપાવતો....બધા ને મારી યાદ આપજે...ને તારા વતી ભગવાન ને હમેશા પ્રાથના કરતો રહીશ કે તને એટલી સમજણ આપે કે તું મારી વ્યથા સમજી શકે.....આનાથી વધારે હું કઈ ના કરી શકું......ચાલ આવજે....જય શ્રીકૃષ્ણ.

Hetal Mahendrakumar Sangani: ૨૪ જાન્યુ ૨૦૧૨

હાય, કેમ છો? હું બસ મજા માં છું. કાલે પછી મારા લગ્ન ની ચર્ચા ઉભી થઇ, ને મમ્મીએ સંભળાવ્યું કે "હું શું કામ હજુ તને યાદ કરું છું? તને મારા જીવન માંથી નીકાળી કેમ નથી દેતો?". એમની વાત સાચી છે, કારણ કે જયારે હું મારી જાતને તેમની જગ્યાએ મુકું છું તો મને એ એહસાસ થાય છે કે એમની માંગણી ખોટી તો નથીજ. એક સાચી વાત કહું, આજે પણ મારી આંખોમાં તું જ વસેલી છે. મને ખબર છે આવું સાંભળીને તને ગુસ્સો આવેછે. અને તું સ્વયં એવું ઈચ્છે છે કે હું પણ તારી જેમ જીવન માં આગળ નીકળી જાઉં. હશે, જે થવાનું હશે તે થશે. હું એની ચિંતા નથી કરતો. મને ખુશી છે કે તું તારા જીવન માં ખુશ છે. અને હમેશા એજ માંગું છું કે તું હમેશા ખુશ રહે. ચાલ ત્યારે ફરી મળીશું ક્યારેક. ઘર માં બધાને મારી યાદ આપજે ને શ્વેની ને મારો પ્રેમ......જય શ્રીકૃષ્ણ.

Hetal Mahendrakumar Sangani: ૭ જાન્યુઆરી ૨૦૧૨

હાય, મારું ગોલુ-મોલું કેમ છે? અને શું કરે છે? હું આજે ઓફીસ કેમ નથી ગયો? અરે યાર, મેં ગઈકાલે જ TechWorld માં થી Resigm કરી દીધું છે. મેં નવી કંપની જોઈન કરી છે, જે બરોડા માં છે. "Automation Anywhere" કરી ને છે. આવતી ૬ તારીખથી હું બરોડા ચાલ્યો જઈશ. ના હું તને નહિ ભૂલું. મેં તને કહ્યું ને હું દુનિયા માં ગમે ત્યાં રહું...તું હંમેશ મારી સાથે હોઇશ.....તું બોલ તારું શું ચાલે છે?....ચાલ અત્યાર પુરતું આવજે....જય શ્રીકૃષ્ણ

Hetal Mahendrakumar Sangani: ૩૧ ડીસેમ્બર

હાય, શું કરે છે? મારે શું કામ છે????!!!! અરે, બસ એમ જ. જરા ફુરસદ મળી તો થયું કે કેટલા દિવસ થી હેતુ સાથે વાત નથી કરી, તો ચાલો આજે એના હાલચાલ પૂછી લઈએ. પછી, શું પ્લાન છે ૩૧ ડીસેમ્બર ની પાર્ટી માટે...તારો તો ભાઈ જિંદાબાદ....હે ને? હું તો જાઉં છું મુંબઈ, ત્યાં જ ઉજવીશ મારી ૩૧ ડીસેમ્બર. બોલ બીજું બધું ઠીકઠાક??. ઘરમાં બધાને મારી યાદ આપજે. ને હા, પેલી તોફાની શ્વેની ને મારા તરફ થી નવા વર્ષ ની શુભકામના આપી દેજે. ચાલ, હું જાઉં...જય શ્રીકૃષ્ણ.

Hetal Mahendrakumar Sangani: મંજિલ

હાય,કેમ છે? અચાનક યાદ ક્યાં થી આવી ગઈ, એજ પૂછવા માંગે છે ને?તો મેડમ, આજે ઘણા સમય પછી તમને ઓનલાઈન જોયા. પેલા ખીલેલા ગુલાબ ને પાછું જોયું, એટલે જૂની યાદો તાજા થઇ ગઈ. મન તો ઘણું કર્યું કે તમને જરા હાય, હલ્લો કરી લઉં, પણ પછી થયું કદાચ તું તારા કોઈ મિત્ર સાથે હોઈશ, તો તને ડીસ્ટર્બ કરવી ઉચિત નથી. એટલે મારા મનને કીધું ચલ ભાઈ, હવે અહી તારું કોઈ ઠેકાણું નથી. અને સાચું જ છે ને, જોઈલે એક  મુસાફીર જ તો છું, જેની મંજિલ ખોવાઈ ગઈ છે. ને હવે નવી મંજિલ ની શોધ માં ભટકી રહ્યો છે. હે ને?

For : Hetal Mahendrakumar Sangani

હાય ચકુ, કેમ છે? લાઈફ નો આ નવો મોડ કેવો લાગે છે?હશે હવે, તારી જિંદગી છે તું તારી રીતે જીવ આ તો બસ નવરો બેઠો હતો તો લાગ્યું કે ચાલ તારી સાથે થોડી ગપસપ કરી લઈએ એમ પણ શું ખબર જિંદગી પછી આવી કોઈ તક આપે નહિ આપે? યાર, તને નથી લાગતું લાઈફ માં ઉલ્જનો વધી રહી છે!? ખબર નહી પણ આજ કાલ લાઈફ એકદમ નીરસ લાગે છે. એવું લાગે છે કે જાણે બસ ટાઇમ પાસ કરતા હોઈએ.પ્લીઝ હા હવે તું કઈ ઊંધું ના સમજતી, તારા થી જુદા થવાનું દુખ છે પણ એટલું પણ નહિ કે હું દેવદાસ બની જાઉં. ચાલ્યા કરે લાઈફ છે. બસ હું મારા મન ને હંમેશા એક વસ્તુ સમજાઉં છું, કે જેટલું કરી શકતો હતો, કર્યું, જેટલું સમજાવી શકતો હતો, સમજાવ્યું આગળ કિસ્મત અપની અપની. તું તો કશું બોલ, યાર એક અરસો થઇ ગયો તારો અવાજ સાંભળ્યા ને, તને જોયા ને.......ચાલ ઠીક છે આવજે ત્યારે........ફરી ક્યારેક મળીશું........

sms to : Hetal Mahendrakumar Sangani

હાય હેતુ, અભિનંદન સમાચાર મળ્યા તારું ગોઠવાયું એના. ચાલો જીવન નો આ અધ્યાય સમાપ્ત થયો. મને ખુશી છે કે આ અધ્યાય માં મારી જે પણ ભૂમિકા હતી તે મેં પૂરી ઈમાનદારી થી નિભાવી છે. એક પ્રેમી તરીકે મેં હંમેશા તને ચાહી છે. કોઈ ના ચાહી શકે એ હદે તને ચાહી છે અને આજે પણ તને જ ચાહું છું, આગળ પણ ચાહતો રહીશ. હેતુ તું મારા દિલ માં જ નહિ પણ મારી શ્વાસો માં વસેલી છો. હું ગમે ત્યાં ચાલ્યો જાઉં, દુનિયા ના કોઈ પણ ખૂણા માં રહું, તારા વગર નથી રહી શકતો. બસ એટલે જ હું મારી આખી જીંદગી તારી સાથે વિતાવવા માંગતો હતો અને તેના માટે પ્રયત્નશીલ હતો. એમાં જાણતા-અજાણતા હુ તારી સાથે અગર કોઈ અન્યાય કરી બેઠો હોઉં તો મહેરબાની કરીને મને માફ કરજે. હેતુ તારી જેમ બીજા બધા મને સલાહ આપે છે કે હું તને ભૂલી જાઉં. પણ યાર હું એમને નથી સમજાવી શકતો કે આપને ભૂલી એને શકીએ જેને યાદ કરવાની જરૂર પડતી હોય, પરંતુ જે ૨૪ કલાક તમારી સાથે હોય, તમારી અંગ-સંગ હોય એને કઈ રીતે ભૂલી શકાય? હેતુ મેં મારા જીવન ની દરેક નાની-મોટી ખુશી તારી સાથે વહેચી છે. તારી સાથે વિતાવેલા ૮ મહિના ની દરેક ક્ષણો મારા માટે યાદગાર અને અમૂલ્ય ક્ષણો છે. તને નહિ ખબર હોય હું આજે પણ એ ક્ષણો ને યાદ કરીને ક્યારેક હસું છું તો ક્યારેક આંખો ની કિનારી ભીની થઇ જાય છે. તારો ગુસ્સો, ભરાવદાર ચહેરો, પેલું અણગમો પ્રગટ કરવા માટે વાંકું થતું મોઢું, તારું બિન્ધાસ્તપણું, ક્યારે મૂડ માં હોય તો પંજાબી માં તું જે "આઈવે" બોલતી હતી તે, ધવલ સાથે વાત કરતી વખતે તારા ચહેરા ની ચમક, તારી આંખો ની ગહેરાઈ, તારી ખુશ્બુ અને તારો સ્પર્શ આ બધું કઈ રીતે ભૂલું? કાલે કદાચ જીવન માં હું દરેક વસ્તુ હાંસિલ કરી શકીશ, પણ એ કઈ રીતે ભૂલીશ કે મારી જીવન ની સૌથી અમૂલ્ય વ્યક્તિ ને હું ખોઈ ચુક્યો છું? હેતુ હું મારી હેતુ ને હંમેશા મારી પાસે ઈચ્છતો હતો, એને મારાથી દુર જતી કઈ રીતે સહી શકીશ? ચકુ, મારું દિલ તને હંમેશા એક જ વસ્તુ કહેછે પ્લીઝ નઈ જા ને, કાશ હું તને રોકી શકતે......... :'(

mailto: Hetal Mahendrakumar Sangani

હાય ચકુ, કેમ છે? યાર, કેટલા સમય પછી તારો મેસેજ આવ્યો. હું જાણું છું તે મારી સાથે તારા બધા સંબંધ તોડી નાખ્યા છે. પરંતુ એ તે તોડ્યા છે, મેં નહિ. હું તો આજે પણ તારી સાથે વાતો કરવા માંગું છું. અરે, હું તો તને ઈ-મેલ કરવાનું વિચારતો હતો પણ પછી લાગ્યું કે તને નહિ ગમે. ચકુ મારે તને કોઈ ફરિયાદ નથી કરવી...પણ તારી સાથે વાત તો કરવી જ છે. તું વિચારતી હશે કે કેવો માણસ છે, આટલું બધું થઇ ગયું તો પણ નથી સમજતો, પણ હું શું સમજુ? તને ખબર છે પહેલા હું હંમેશા એક ડર માં જીવતો હતો કે તારા ગયા પછી શું? પણ તું ગઈ ત્યાર પછી મને સમજાયું કે તું તો શું આ દુનાયો ની કોઈ તાકાત મારી હેતુ ને મારા થી દુર ના કરી શકે. તું મારાથી ગમે તેટલી દુર હોય પણ હંમેશા મારી સાથે જ છો. મારી અંગ-સંગ છો. હું જયારે પણ થાક્યો છું, મારી હિંમત બનીને મારી સાથે દરેક મુસીબતો નો સામનો કર્યો છે. ચકુ મારે તને ચાહવાની જરૂર જ નથી પડતી કેમ કે જેવી રીતે હું લાઈફ ના બીજા કામ જેવા કે, હસવું, ખાવું પીવું બધું સહજતા થી કરું છું,એટલી જ સહજતા થી તને પ્રેમ પણ કરું છું.યાર તું મારા જીવન નો એક હિસ્સો બની ગઈ છો. હું જ્યાં પણ રહું તું હંમેશા મારી સાથે જ છો. એટલે જયારે પણ તું યાદ આવે હું એક મેસેજ લખી દઉં છું. કઈ જ ના હોઈ તો ખાલી મેસેજ પણ કરી દઉં છું. ખાલી તને એટલું જણાવવા તને એટલો એહસાસ કરાવવા કે હું આજે પણ તને ચાહું છું અને જીવનના દરેક મોડ પર તારી સાથે જ છું. હા, ખબર છે હમણાં તારી આજુ-બાજુ તારા માં-બાપ, ભાઈ-ભાભી અને પેલો ધવલ જેવા દોસ્તો ભરેલા છે એટલે તને મારી જરૂર નથી. પણ આ બધા આખી જીંદગી તને નથી પહોચવાના એટલે જ્યારેજીવન માં એવો કોઈ મોડ આવશે કે જયારે તારી સાથે આમાં થી કોઈ ના હોય અને તું તારી જાત ને એકલી સમજશે ત્યારે તને એહસાસ થશે કે તું ચાહે કે ના ચાહે પણ હું હંમેશા તારી સાથે જ હતો અને ત્યારે પણ હોઈશ. બસ અત્યાર પુરતું આટલું કાફી છે, બીજું બધું ફરી ક્યારેક......................

Hetal Sangani: जरा तस्वीर से तू नजर के सामने आ.....मेरी महबूबा

હાય હેતુ, કેમ છો? હું.....? બસ જેવો પહેલા હતો એવો જ છું. યાર, હમણાં તારો ફોટો મોબાઈલ માં જોતો હતો.....તો પેલું "પરદેશ" ફિલ્મ નું ગીત યાદ આવી ગયું. "किसी रोज उससे मुलाकात होगी, मेरी जान वोह उस दिन मेरे पास होगी.". તું વિચારતી હોઇસ કે હું પણ કેવો ગાંડો છું. હજુ પણ તારા વિષે જ વિચારું છું, હે ને? તો હા, હું હજી પણ તારા વિષે જ વિચારું છું. ચકુ, મને ખબર છે કે તું ને હું જીવન માં હવે કદાચ ક્યારેય નહિ મળીએ અને કદાચ સંજોગ્વાસાત કશે મળી પણ ગયા તો પણ તું જાણે મને જાણતી જ ના હોય એમ પસાર થઇ જશે. જે પણ હોય પણ હું રાહ જોઉં છું અને જોતો રહીશ. શેની રાહ? તો હું એ દિવસ ની રાહ જોઉં છું, જે દિવસે તને મારા પ્રેમ નો એહસાસ થશે. જે દિવસે તને એ ભાન થશે કે જીવન માં પ્રેમ જ બધું છે. જે દિવસે તને સમજાશે કે તે શું ગુમાવ્યું છે. જે દિવસે તને લાગશે કે કદાચ થોડી હિંમત કરી દીધી હોત તો. જે દિવસે તને જીવન માં પ્રેમ નું મહત્વ સમજાશે અને એપણ સમજાશે કે આ દુનિયા માં હિમાંશુ થી વધારે તને કોઈ ચાહી જ ના શકે અને તને એ ચાહત ની જરૂર છે. જે દિવસે તને ધવલ અને હિમાંશુ નો ભેદ ખબર પડશે. જે દિવસે તને ઈચ્છશે કે કાશ તું પાછી મારી બાહો માં સમાઈ શકે. ભલે હું તારી સાથે આખી ઉમર નહિ વિતાવી શકું પણ એવો કોઈ દિવસ, એવી કોઈ ક્ષણ જરૂર વિતાવવા ઈચ્છીશ જેમાં તું સંપૂર્ણ પણે મારી હોય. મને નથી ખબર કે એવી કોઈ ક્ષણ મારી કિસ્મત માં લખાઈ છે કે નહિ, પણ હું એ ક્ષણ ની રાહ તો જરૂર જોઈશ ........

Hetal Sangani

હાય ચકુ, કેમ છે? શું ચાલે છે હમણાં? હેય, તું કશે બહાર ગઈ છો? તારા ઘર પાસે થી પસાર થતો હતો, ન ફ્લેટ માં અંધારું હતું. હવે તમે લોકો એટલા જલ્દી પણ નથી સુઈ જતા કે હું એમ માની લઉં કે સુઈ ગયા હશે બધા. અરે, બસ એમ જ પૂછું છું. હું કઈ એ સમયે તારા ઘરે થોડો આવવાનો હતો. દિવાળી પર ધવલ ને મળી?તે એને wish કર્યું હશે, હે ને? યાર, હું લાખ ચાહું કે હું આ બધું મારા મંન માં નહિ લઉં પણ નથી કરી શકતો. હું તને નથી કહી શકતો કે તને કેટલી miss કરું છું. હા દિવસે મારી જાત ને મનાવવા માટે એમ દેખાડો કરું છું કે હું બહુ ખુશ છું. એકદમ પરફેક્ટ છું. પણ અંદરખાને થી હું જાણું છું કે તારા વગર અધુરો છું. પણ શું કરું તારી ખુશી મારા થી દૂર રહેવા માં છે તો એમ જ સહી........

मैंने दिल से कहा धुंध लाना ख़ुशी,
नासमज, लाया गम तो यह गम ही सही.......

For Hetal Mahendrakumar Sangani: મારી હેતલ

હાય, મારી ગોલુ-મોલું કેમ છે? ઘર ના બધા કેમ છે? એક વાત પૂછું, તું મને યાદ કરે છે? આ સવાલ કેમ પૂછ્યો? બસ, એમ જ પૂછવાનું મન થયું તો પૂછી નાખ્યો. સાચું કહું, મને ખબર છે કે તે મને તારી જીંદગી, તારી યાદો માં થી ક્યાર નો બહાર નીકળી દીધો છે. હિમાંશુ માંજરાવાલા માટે હવે તારા દિલ માં કે તારા જીવન માં કોઈ સ્થાન નથી, છતાં પણ તું મારે માટે આજે પણ મારું સર્વસ્વ છે. આજે પણ તું મારા જીવન નો જ નહિ પણ મારા શરીર નો અર્ધ હિસ્સો છે. ચલ જવા દે આ બધી વાતો ખાસ તો એ કહેવાનું હતું કે આ ગુરુવારે હું બ્યાસ જાઉં છે. મારા બાબાજી પાસે. મેં એમને વચન આપેલું કે હું જયારે પણ બ્યાસ આવીશ તને મારી પત્ની તરીકે સાથે લઇને આવીશ. તો તને મારા હૃદય માં મારી પત્ની તરીકે સાથે લઇ જાઉં છું.

To, Hetal Mahendrakumar Sangani: तेरा साथै हैं तो, मुझे क्या कमी हैं! अंधेरो से भी मिल रही रोशनी हैं!!

હેય my georgeous darling હેતુ, કેમ છે? અરે બાપરે શું વાત છે, આજે તારું આ વડા જેવું નાક ગુસ્સા માં ફૂલેલું છે, અને આ ગોળ-માંતોલ ચહેરો પણ ગુસ્સા થી લાલ છે!!!??. OK, તો તને એમ જ છે ને કે હું તને હવે પહેલા જેટલો પ્રેમ નથી કરતો, તને પહેલા જેટલું miss નથી કરતો? હેય sweetu યાર હું આટલું બધું દોડું છું તો શેના માટે આપના માટે જ ને. યાર અત્યારે ફ્લેટ ના લોન ની દોડ-ધામ માં લાગેલો છું. પણ એક વાત કહું આટલો busy છું, આટ-આટલી દોડધામ છે, પણ તું એક second માટે પણ મારા થી દુર નથી. મને જયારે તારી યાદ આવે કે પછી મન ઉદાસ હોય ત્યારે હું મારા મન ને એવું કહી ને સમજાવું છું કે તું ક્યાં દુર છે, મારા દિલ માં તો છે. હરેક પલ તું મારી સાથે ને સાથે જ છે. મારો પડછાયો બની ને દરેક સમયે મારી સાથે જ છે. ગમે તેવો સમય હોય સારો કે ખરાબ તું હંમેશા મારો હાથ તારા હાથ માં લઇ ને કહેતી હોય છે કે હું છું ને સાથે ગભરાઓ છો શું કામ, આપને બંને મળી ને જીવન ના દરેક મુશ્કિલ નો સામનો કરીશું. હેતલ, હું બહુ lucky છું કે જીવન માં મને તારા જેવી જીવન સંગીની મળી, n i thankful to god for that forever.......

To, Hetal Mahendrakumar Sangani: तू अब, दे दे मेरा साथ....

હેય, મારું પુર બહાર ખીલેલું ગુલાબ ના ફૂલ કેમ છે? નારાજ છે કે આટલા સમય પછી કેમ તારી યાદ આવી. એવું તો નથી ને કે હું તને ભૂલી ગયો હતો? તો મારી વ્હાલી હેતુ એવું કશું નથી. તું તો મારી સાથે ૨૪ કલાક હોય છે. હા થોડા પારિવારિક કામ-કાજ માં વ્યસ્ત હતો, એટલે તને સમય ના આપી શક્યો. ને એમ પણ તું મારા થી અલગ થોડી છે. એક વાત કહું, લોકો એમ કહે છે કે આજ કાલ મારો વર્તાવ બદલાઈ ગયો છે. હું થોડો ઘમંડી બની ગયો છું. વાતે-વાતે સામે વાળા ને તોડી પાડું છું. એક વાત કહું, હા મારા માં થોડો બદલાવ તો આવ્યો છે, પણ એનું કારણ બીજું છે. હેતુ, હું તને મારા જીવન માં શામેલ કરવા માંગું છું. મારું આ એક સપનું છે. હેતુ, તારા વગર આ હિમાંશુ અધુરો છે. ચકી, તારો પ્રેમ મારી નસો માં લોહી બનીને વહે છે. તારી યાદો મારા હૃદય ની ધડકનો છે. તને મળવાની તડપ જ મને જીવંત રાખે છે. ચકી, અગર હું શરીર છું, તો તું આ શરીર ની આત્મા છે. તારા વગર મારું કોઈ અસ્તિત્વ જ નથી. કાશ, આપને આ જીવન માં એક-બીજા ના થઇ શકીએ..............

My Beloved - Hetal Sangani

હેય, મારી ગોલુ-મોલું. કેમ છે અને શું કરે છે? તને તારી બિલકુલ ફિકર નથી!!! પોતાની carrier ની થોડી તો ચિંતા કર. જીજ્ઞા ને તારું resume ક્યારનું mail કરી દીધું. Hope એને તને contact કર્યો હશે, હે ને? ચકુ, પ્લીઝ થોડું ધ્યાન આપ. મને ખબર છે તારા પપ્પા ની જેમ તારું નાક પણ બહુ લાંબુ છે. છતાં પણ મારું કહ્યું માનવા માં કે પછી મારા દીધેલા reference ને follow કરવા માં તારું નાક ટુકું નહિ થઇ જાય. હા હા મને ખબર છે, તારો ego તને આ બધું નહિ કરવા દે. પણ એક વાત હંમેશા યાદ રાખજે, હું તને ખાલી કહેવા પુરતી મારી પત્ની નથી માનતો પણ એક પતિ તરીકે ની બધી જવાબદારી નિભાવવાની પણ જાણું છું. બસ એક જ દરખાસ્ત છે મારી વ્હાલી પ્રિયતમા તમે મને મારી ભૂમિકા નિભાવવા માં સહાયરૂપ થાઓ, તેમાં અંતરાય ઉભા નહિ કરો. મહેરબાની થશે તમારી.

To, Hetal Mahendrakumar Sangani: I miss you and I need you dear.....

હેય ચકુ, ખબર છે મેં તને કીધેલું કે મારી હાલત એવા માણસ જેવી છે જેની આસ-પાસ ખારા પાણી નો દરિયો ભરેલો છે પણ એની તરસ તો એક ગ્લાસ મીઠું પાણી છે. તને ખબર છે જે ફ્લેટ લેવા માટે હું એકદમ ઉત્સાહિત હતો ને જેની તું પાર્ટી માંગતી હતી તે સોદો હું કાલે Cancel કરી નાખવાનો છું. ચકુ, યાર મને નથી ખબર તકદીર કેવો મજાક કરે છે મારી સાથે. You know મને તો એવું લાગવા માંડ્યું છે કે success મારા થી દૂર ભાગે છે. હું જે કરવા જાઉં છું મારી બધી મહેનત પાણી માં જતી દેખાય છે. જેમ-તેમ કરી ને એક રસ્તો દેખાતો હતો એ પણ બંધ કરી દીધો. You know મને એમ હતું કે મારા માં-બાપ મને સમજે છે, એમને મારા સપના ઓ ની સમજ છે, પણ નહિ યાર, એ લોકો પણ મને નથી સમજતા. ખરેખર આજે એક્દુમ એકલો મેહસૂસ કરું છું. કાશ, તું મારી સાથે હતે. I miss you and I need you dear.....

To, Hetal Mahendrakumar Sangani: મારો જન્મદિવસ.......

હેય, ચકુ, તને ખબર છે હું આજે આખો દિવસ તારા ફોન ની જ રાહ જોતો હતો. મને એમ કે તું ભૂલી ગઈ હશે, પણ ફત્તું એ મને કીધું કે તને બધું યાદ છે. છતાં પણ તે મને Wish ના જ કર્યું ને? કઈ નહિ, તને એમાં મજા આવે તો એમ જ રાખ. હું પણ એમ જ સમજુ છું કે અત્યારે મારા પ્રેમ ની પરીક્ષા નો ટાઇમ ચાલે છે. પણ એક વાત સાચે સાચી કહું આજે તને બહુ miss કરી મેં તને. પ્લીઝ આવી જા ને યાર.

To, Hetal Mahendrakumar Sangani: હું, તું અને તારી યાદો.........

હેય મારી ગોલુ-મોલું, ચોકલેટ જેવી સ્વીટ-સ્વીટ ચકુ, કેમ છે? હું આજે આટલો ખુશ કેમ છું? અરે યાર, હું તો હંમેશા ખુશ જ હોઉં છું. હા, આજે જરા તારા પર પ્રેમ વધારે પડતો ઉભરાયો છે. એનું કારણ એ છે કે છેલ્લા ૩ મહિના થી હું ભૂલકા-ભવન અને રાંદેર માં અમારા માટે, અમારા બજેટ માં ફીટ બેસે એવો ફ્લેટ શોધતો હતો તે આ રવિવારે અમને મળી ગયો ને પપ્પા ને પણ ફ્લેટ ગમ્યો છે. હા હા, મને ખબર છે આ ન્યુઝ આમ જ ના આપાય, પાર્ટી તો બને છે. આપીશ ને પાર્ટી પણ આપીશ. એમ પણ જો ને મારો બર્થ-ડે પણ આવે છે. તો તેની પાર્ટી પણ આપવાની જ છે ને. ના બાબા, હું બિલકુલ કંજુસી નથી કરતો, ગ્રાન્ડ પાર્ટી હશે બસ, ખુશ. ને એમ પણ યાર, હું તો જસ્ટ, મકાન કે ફ્લેટ ખરીદી શકું છું. એને ઘર બનાવવાનું તો તારા હાથ માં છે. મને નથી ખબર કે એ દિવસ આવશે કે નહિ, પણ હા હું એ દિવસ ની રાહ જરૂર જોઇશ. ચાલ મળીએ પછી, ત્યાં સુધી "જય શ્રી કૃષ્ણ" ઘર માં બધા ને મારી યાદ આપજે.

To, Hetal Mahendrakumar Sangani: રણ ને તરસ છે ગુલાબ ની.....ને આ આંખો ને તારા દીદાર ની...

હેય, ચકુ શું કરે છે? હું તો તને ખબર છે, એક જ કામ કરું છું, તને યાદ કરવાનું. બીજું કોઈ કામ જ નથી. હમણાં રાતે એક મસ્ત સ્વપ્નું આવ્યું,.એને જોયા પછી દિલ માં એમ જ થાય છે કે કાશ એ સ્વપ્નું સાચું થઇ જાય. પણ મને ખબર છે, હું એટલો નસીબદાર નથી. અરે હા, કહું છું કે સ્વપ્નું શું હતું. એ જ કે તારા ફ્લેટ ની સામે નો ફ્લેટ મેં ખરીદી લીધો. પછી એક દિવસ હું જેસલ ભાભી ને બજાર માં મળ્યો, અને એમને મારા દિલ ની બધી વાત કહી. એમને બધી વાત શાંતિ થી સાંભળી અને કહ્યું કે એ ભાઈ ને બધી વાત કરશે. પછી થોડા દિવસ પછી ભાઈ નો ફોન આવ્યો કે પપ્પા મને મળવા માંગે છે. હું તારા ઘરે આવ્યો ને પપ્પા ને વાત કરી કે હું એમની આ ગોલ-મટોલ હેતુ ને પસંદ કરું છું ને એની સાથે જ લગ્ન કરવા માંગું છું. થોડી વાતચિત પછી એ માની ગયા, અને મને વિશ્વાસ જ બેસતો હતો નહિ કે એ આપના સંબંધ માટે માની ગયા. પછી શું, એમને એ પણ ખબર પડી ગઈ કે સામે નો ફ્લેટ મેં જ લીધો છે. બસ પછી શું, તું મારા ઘરે આવતી-જતી થઇ ગઈ. આપને સાથે રોજ થોડો-થોડો સમય ગાળતા હતા, ને જીંદગી એક્દુમ એન્જોયેબલ થઇ ગઈ......ને એટલી વાર માં સવાર પડી ગઈ, ને ઊઠવાનું માનન નહોતું થતું આ સ્વપ્નું છોડી ને તો પણ ઉઠવું પડ્યું.........હેય હેતુ પ્લીઝ ભગવાન ને પ્રાથના કર કે મારું આ સ્વપ્નું સાચું પડે. કેમ કે તારા વગર મારું જીવન એક ઉજ્જડ અને વેરાન રણ જેવું છે.......

To, Hetal Mahendrakumar Sangani: में यह सोच कर उठा तेरे दर से!...........

में यह सोच कर उठा तेरे दर से!
तू बाह पकड़ के मना लेगी मुजको!!

वोह लहराया था दामन कुछ इस तरह से हवा में!
तू दामन से पकड़ कर बिठा देगी मुजको!!

कुछ आई थी आहट ऐसे लगा की!
तू पीछे से आकर रोक लेगी मुजको!!

पर ना, आवाज दी, ना मुजको मनाया!
ना दामन से पकड़ कर मुजको बिठाया!!

ना बाह पकड़ कर रोका मुजको!
में बस यु ही बढ़ता चला आया!!

में बस यु ही बढ़ता चला आया!
की आज तुमसे बिछड़ गया हु!!

में यह सोच कर उठा तेरे दर से!.......

સોરી ચકી, આજે હું મારી જાત પર કાબુ નથી રાખી શક્યો. એક્ચ્યુલી, આજે તું મને બહુ યાદ આવે છે....
I really miss you too much dear. કાશ, તું સમજી શકતે.!!!!!

To, Hetal Mahendrakumar Sangani: "તારી મરજી"....

હેય, શું કરે છે? ઓનલાઈન થાય છે, કે બધું બંધ કરી દીધું. ડોટ-નેટ ની તૈયારી કરે છે? ના હે ને? ઈન્ટરવ્યું માટે રીસ્યુંમે મેઈલ કર્યું, ના હે ને? યાર શું છે, આ બધું? મને ખબર છે તારા ડાઈલોગ, તમે મારી ફિકર નહિ કરો, હું બધું મેનેજ કરી શકું છું એન ઓલ ધેટ. એક વાત કહું, તું માને કે નહિ માને પણ હું આજે પણ તારી સાથે રહેવા માંગુ છું, તારા દર-એક સંઘર્ષ માં. હું આજે પણ તને બને એટલી મદદ કરવા માંગું છું, એટલા માટે નહિ કે મને તારી કાબેલિયત પર કોઈ શંકા છે અથવા હું તારી પર કોઈ અહેસાન કરવા માંગું છું. તું જાણે છે કે મારો આવો કોઈ ઇન્તેન્સન નહિ હોય. હું તો બસ મારી તસલ્લી ખાતર મારી ખુશી ખાતર અને તારી નજીક રહેવા માટે આ બધું કરું છું. હવે તને આ પસંદ ના હોય તો.......તું જાણે. છેલ્લે એક જ વસ્તુ હું તને કહીશ જે હંમેશા કહેતો આવ્યો છું "તારી મરજી"....